АК-Инвест – добитник на наградата за најбрзо растечка компанија на ТОП 100 настанот

Стопанската Комора на Северо-Западна Макеоднија претставува синоним за заштита на бизнис интересите на компаниите во земјата и во регионот. 15 годишното постоење ја оправдува титулата на оваа инстутуција – вистински застапник на потребите на бизнисите. 2020-та година беше јубилејна година за Стопанската Комора на Северо-Западна Македонија, во која освен своето 15 годишно постоење, ја прослави и 10 годишнината од традиционалниот ТОП 100 настан. Основната мисија на овој настан е да ги промовира и врeднува најуспешните компании во земјата, како и да ги истакне заслугите на претприемачите, кои се една од главните причини за успешноста и долгогодишното постоење на Комората. Комората, преку престижниот ТОП 100 настан, ги рангира и наградува најголемите и најуспешни компании, кои покажале посебен придонес во своето работење. Настанот има ефект и врз зголемувањето на конкуренцијата, а исто така го стимулира и развојот на компаниите. Преку однапред утврден систем на бодување, на јубилејното издание на ТОП 100 настанот, Стопанската Комора додели неколку награди, меѓу кои и наградата за најбрзо растечка компанија, која припадна на компанијата АК-Инвест. АК-Инвест е реномирана градежна компанија, со седиште во Тетово. Своето работење го започнува во 1992 година, и од тогаш до денес компанијата е синоним за професионалност и сериозност во работењето. Компанијата работи со една единствена цел, а тоа е постојано да нуди и испорачува иновативни, ефикасни и флексибилни услуги и решенија на клиентите. Меѓународниот тим од експерти, управува со сложени логистики и операции, преку кои ефикасно ги постигнуваат поставените цели. Компанијата постојано вложува во едукација и пракса на своите вработени, со користење на светски критериуми, а со тоа го зајакнува задоволството кај истите. Вработените со специфичен сет на вештини ги гарантираат и исполнуваат стандардите за безбедност и квалитет на услугите. АК-Инвест како посветена компанија со постојан развој и експанзија на својот бизнис, гради и развива партнерски односи и со други компании, организации и институции. Во листата на цврсти и успешни партнерства се вбројува одличното партнерство и со Стопанската Комора на Северо-Западна Македонија. СКСЗМ ги организира, ги унапредува и ги промовира бизнисите во земјата и во странство, така што ги штити нивните интереси наспроти предизвиците на глобалната конкуренција, а истата има за цел да стане водечка организација за застапување на интересите на бизнисите, како и за создавање на соодветна средина за развој.